Регионалниот центар за животна средина за Централна и Источна Европа (РЕЦ) на 15.02. 2010 год. објави конкурс за курс на тема “Успешен бизнис преку одржливост” кој ќе се одржи во Будва, Црна Гора во периодот од 23-26 март 2010 год.Овој курс е организиран за приватните и јавни компании, општински комунални претпријатија кои работат во делот на управување со води, цврст отпад, урбано планирање и други области, како и за трговски асоцијации, национални власти, општини, регионални и локални агенции за развој и други заинтересирани страни. Успешните пријави треба да вклучат целосно пополнет формулар за пријавување, резиме со опис на клучното работно искуство (ЦВ), есеј (максимум 1000 зборови) како и кратко писмо за поддршка од одговорното лице на апликантот. Краен рок за пријавување е 1 март 2010 година. Работниот јазик на курсот е англиски. Сите трошоци околу курсот ќе бидат покриени преку стипендија обезбедена од страна на организаторот. Дополнителни информации на веб страната: www.localsustainableaction.org. Контакти кај г.ѓа Олта Цибуку на sustainabledevelopment@rec.org или во Канцеларијата во Р. Македонија, кај Марина Орџанова marina@rec.org.mk