Регионот Оверњ, Асоцијацијата на агенции за локална демократија (АЛДА) и нивните партнери го имаат задоволството да Ве поканат на завршната конференција на програмата за мултилатерална соработка „Франција – Балкан: За добро управување во Југоисточна Европа” која ќе се одржи на 28 јануари 2010 год. во Брисел. На конференцијата ќе учествуваат претставници на француски локални заедници, нивните партнери од Балканот како и други учесници од меѓународната и децентрализираната соработка.

Програмата има за цел да создаде мрежа на француски локални единици кои соработуваат со земјите од Балканот на начин да ги разменат добрите практики во областа на доброто локално управување следејќи ги препораките од средбите во Софија во јули 2008 год. кои ја покажаа потребата од акција за мултилатерална соработка. Оваа програма е иницирана е од страна на францускиот регионот Оверњ, АЛДА и неколку француски општини вклучени на Балканот а подржана е од Министерството за надворешни работи на Франција. Размените организирани во вид на работилници им овозможија на учесниците во проектот да предложат отворени заеднички активности на европските локални заедници за да помогнат во воспоставувањето на односи на доверба и толеранција меѓу населението.

Во прилог се наоѓа нацрт - програмата од средбата како и формуларот за учество (да се испрати пред 15 јануари 2010 год. до Камиј Ганглоф: camille.gangloff@aldaintranet.org).

Патните и трошоците за сместување се на товар на учесниците. За повеќе информации слободно контактирате ја Камиј Ганглоф, раководител на проекти во АЛДА, 00 33 3 90 21 45 93.

Се надеваме дека ќе можете да учествувате на овој настан кој е од голема важност за соработката меѓу Франција и земјите од Балканот.

Прилог : formBrussels ENG.doc Programme_Bruxelles MK.pdf