BFC SEE 2023 – ЈАВЕН ПОВИК ЗА ГРАДОВИ И ОПШТИНИ
![](/Upload/Editor_Upload//Slika_baner.JPG)
Партнерството за конкуретен регион (CORE) и Германската развојна соработка што ја спроведува ГИЗ, ги повикуваат сите градови и општини, лидери на економски развој да се вклучат во меѓународната BFC SEE програма за сертификација на градови и општини со поволно деловно опкружување во Југоисточна Европа.
BFC SEE програмата е наменета, пред сé, за градови и општини кои имаат проактивен пристап во развој на своите инвестициски потенцијали и сакаат преку унапредување на деловниот амбиент да создадат подобри услови за привлекување инвестиции и побрз развој на постоечкото стопанство, и на тој начин да го подобрат квалитетот на живот на граѓаните.
Дел од предностите што BFC SEE програмата ги носи за сертифицираните градови и општини се:
- Имиџ на модерна и агилна локална администрација на услуга на граѓаните и стопанството
- Позиционирање на мапа на најповолни инвестициски дестинации во Југоистоична Европа
- Препознатливост помеѓу носителите на одлуки во државата, стопанството и меѓународната заедница
- Членство во BFC клуб на лидери на локален развој
- Можности за учество во развојни проекти, студиски посети и регионални иницијативи
- Размена на знаења со најуспешните градови и општини
Овој повик е ексклузивно отворен за 50 градови и општини од Југоисточна Европа кои досега не учествувале во BFC SEE програмата и чија визија за развој се базира на автентични локални потенцијали.
За сите заинтересирани кандидати, ќе организираме инфо-сесија: „Како до меѓународен BFC SEE сертификат“ со цел дополнително да информираме за деталите и условите за учество во програмата. Пријава за инфо-сесијата се доставува на contact@zels.org.mk и на ivana.serafimova@zels.org.mk (име, презиме, функција, општина).
Повеќе информации за BFC SEE програмата и процесот на сертификација, критериумите од IV-та едиција, како и условите за учество следи во рамки на приложената документација.
ПРИЛОГ:
• Јавен повик
• BFC SEE Инфо-лист
• BFC SEE Брошура